ደስተኛ ህይወት

መነሻ ሃሳብ

ሰው እንደምርጫው በደስታ ወይም በሀዘን ይኖር ዘንድ ተፈቅዶለታል፡፡ ሁለቱም የምርጫው ጉዳይ ናቸው፡፡ በደስታ መኖር የሚፈልግ ቢኖር የደስታ መንገዶችን ይከተል፡፡ ስለራሱ በህይወት መኖር፣ ስላሉት እና ስለተደረጉለት ነገሮች አብዝቶ ቢያስብ ከቶ ቆጥሮ አይጨርሳቸውም፡፡ በዚህም ስለሁሉም ነገር ደስ ይለዋል፡፡

በእርግጥ ሰው በሃዘን መኖር ቢፈልግ የሃዘን መንገዶችን ይከተላል፡፡ ስለሌሉት እና ስለተደረጉበት ነገሮች አብዝቶ ቢያስብ ከቶ ቆጥሮ አይጨርሳቸውም፡፡ በዚህም የተነሳ ስሌለው እና ስለተደረገበት ሁሉ እያሰበ ከውስጡ ያዝናል፡፡ በህይወቱ ተስፋ ቢስም ይሆናል፡፡ያልተኖረ ህይወት ይሉሃል ይህ ነው፡፡ ምክንያቱም በራስህ መኖር፣ ባለህ እና በተደረገልህ ነገር ደስተኛ መሆን ስትችል ስለሌለህ እና ስላልተደረገልህ ነገር በማሰብ በሃዘን ኖረሃልና፡፡

ብልህ ሰው የህይወቱ መርህ ድንቅ ነው፡፡ የሌለው ነገር እንኳን ቢኖር ሆነ ብሎ ስለራሱ በህይወት መኖር እና ስላለው ነገር እያሰበ ደስ ይለዋል፡፡ የተደረገበት ነገር እንኳን ቢኖር ሆነ ብሎ ስለተደረገለት ነገር እያሰበ ደስ ይለዋል፡፡ የተኖረ ህይወት ማለትም ይሀ ነው፡፡ ባጠቃላይ ሰው በህይወቱ ደስተኛ ወይም በሀዘንተኛ ህይወት መኖር የምርጫ ጉዳይ ነው፡፡

የደስታችን ምጩ ምንድን ነው?

ደስታችን እንዲሁ የግብዞች አይደለም፡፡ ይልቁንም አምላካችን ለእኛ ስለከፈለልን ዋጋ፣ ትልቅ እና ክቡር ፍጡር ሰው አድርጎ ስለፈጠረን፣ ትልቁን ነገር ነፍስን ስለስጠን እያሰብን እንጅ፡፡ ደግሞም መሻታችን ቁሳቁስ ማግኘት ከሆነ ትልቁን ነገር ነፍስን የሰጠን አምላክ ትንሹን ቁሳቁስ እንደሚሰጠን እናምናለን፡፡ እርሱ ለፈጠረው የሚያስፈልገውን ከፍጡሩ በላይ ያስባልና፡፡ የሁሉ ባለቤት እግዚአብሔር ራሱ በእግዚአብሔር ደስ ይበላችሁ እንጅ አትጨነቁ ያለን፡፡ 

ተጨንቀንም በቁመታችን ላይ ስንዝር እንኳን አንጨምርም፡፡ በቁመታችን የተመሰለውም በህይወታችን የገጠሙን ፈተናዎች እና የምንፈልጋቸው ነገሮች ናቸው፡፡ ማንም ተጨንቆ በህይወቱ የገጠሙትን ፈተናዎች በራሱ ፈትቶ እና የፈለጋቸውን ነገሮች በራሱ አግኝቶ አያውቅም ሲል ነው፡፡ ሸክማችሁ የከበዳችሁ ወደ እኔ ኑ እንዳለው፡፡ መጨነቅ ካለብንም እንኳን ሸክማችንን ወደ እግዚአብሔር ምን ያህል ጊዜ እና በምን መንገድ ወስደናል ነው፡፡

መደሰት ልማዱ የሆነ ሰው ምንጊዜም ቢሆን የሚደሰትበት ምክንያት አያጣም፡፡

1. መኪና ባይኖረውም ጫማ ስላለው ይደሰታል፣

2. ጫማ ባይኖረውም እግር ስላለው ይደሰታል፣ 

3. እግር ባይኖረውም እንኳን በህይወት ስላለ ይደሰታል፡፡ 

በአጠቃላይ የዚህ ዓይነት ሰው የህይወት መርሁ እና ልምምዱ ምንጊዜም መደሰት እና ማመስገን ብቻ ነው፡፡

የደስተኛ ህይወት ቀጠሮ

ይባስ ብሎ ለደስታችን ቀጠሮ እንይዝለታለን፡፡ እኔ በህይወቴ ቤት ስሰራ፣ ልጅ ስወልድ፣ መኪና ስገዛ፣ ገቢየን ስጨምር ወዘተ ደስተኛ እሆናለሁ እያልን ዛሬ በመዳፋችን ላይ ያለውን ህይወታችንን በህጋዊ መንገድ በራሳችን ፈቃድ በሀዘን እንኖራለን፡፡ ሊሆን ላይሆን ስለሚችለው ሰለ ነገው ፍላጎታችንም ለደስተኛ ህይወት ቀጠሮ እንይዛለን፡፡ ይሁን እንጅ ዛሬ አሁንኑ ስለራሳችን፣ አስካሁን ስላለን እና ስለተደረገልን ነገር ደስተኛ ካልሆንን መቼም ምንም ቢኖረን እና ቢደረግልን የእውነት ደስተኛ አንሆንም፡፡ 

ምክንያቱም ማዘን ልማዱ የሆነ ሰው ምንጊዜም ቢሆን የሚያዝንበት እና የሚያማርርበት ምክንያት አያጣምና፡፡

1. ትላንት በአከራዮቹ ጠባይ ሲያዝን ከነበረ ዛሬ ቤት ሲኖረው ደግሞ በቤቱ ጥበት፣ በተከራዮቹ ጠባይ ማዘኑ አይቀርምና፡፡  

2. ትላንት ልጅ ባለመውለዱ ሲያዝን ከነበረ ዛሬ ልጅ ሲኖረው ደግሞ በልጅ ማሰደግ ክብደት ማዘኑ አይቀርምና፡፡

3. ትላንት መኪና ስለሌለው ሲያዝን ከነበረ ዛሬ መኪና ሲገዛ ደግሞ በመኪናው ብልሽትና ወጪ ማዘኑ አይቀርምና፡፡

4. ትላንት ገቢው ዝቅተኛ በመሆኑ ሲያዝን ከነበረ ዛሬ ገቢው ሲጨምር ደግሞ በኑሮው ውድነት ማዘኑ አይቀርምና፡፡

5. ተዘርዝሮ አያልቅም እና እናንተም ጨምሩበት

በአጠቃላይ የዚህ ዓይነት ሰው የህይወት መርሁ እና ልምምዱ ምንጊዜም ጉድለትን ማየት እና መዘን ብቻ ነው፡፡ 

ስለሆነም ለደስተኛ ህይወት አስተማማኙ እና ዘላቂው ምስጢር ዛሬ እኛ በህይወት ስለመኖራችን፣ በእጃችን ስላለን ነገር እና ስለተደረገልን ሆነ ብለን በትኩረት ማመስገንና መደሰት ነው፡፡ ላለው ይጨመርለታል እንዲሉ ባመሰገነው እና በተደሰትነው ልክ እና ከዚያም በላይ ሌሎች የምናመሰግንባቸው እና የምንደሰትባቸው ነገሮች ሁሉ ይጨመሩልናል፡፡

አሁን በህይወትህ በአብዛኛው ደስተኛ ነህ ወይስ ሃዘንተኛ?

እዚህ ላይ መመለስ ያለበት ጥያቄ አንተ አሁን በህይወትህ በአብዛኛው በደስታ ወይስ በሃዘን እየኖርክ ነው? ማንም ሰው አሁን ላይ በአብዛኛው በሀዘን ውስጥ የመኖር ልምምድ ቢኖረውም በደስታ መኖር ፍላጎቱ ከሆነ የደስታ ህይወትን መኖር ይችላል፡፡ ዛሬ ላይ ያለው በሃዘን ውስጥ የመኖር ልማዱ በልምምድ የመጣ ሲሆን በደስታ ውስጥ የመኖር ልማድም እንዲሁ በልምምድ ማዳበር ይቻላል፡፡ ይህም የሃዘንተኝነት ልማዳችን የመጣው ብዙ ጊዜያችንን የምናተኩረው በሌለን እና በተደረገብን ነገር ላይ ስለሆነ ነው፡፡ ትኩረታችንን በሌለን እና በተደረገብን ነገር ላይ ባደረግን ጊዜም በጣም ብዙ ያሌሉን እና የተደረጉብንን ነገሮች እናገኛለን፡፡ ከዚህም የተነሳ በህይወታችን አብዝተኝ እናዝናለን፡፡ በአንፃሩ ደግሞ ትኩረታችንን ባሉን እና በተደረጉልን ነገሮች ያደረግን እንደሆነ እንዲሁ በጣም ብዙ ያሉን እና የተደረጉልንን ነገሮች እናገኛለን፡፡ በመሆኑም በህይወታችን በአብዛኛው ደስተኞች እንሆናለን፡፡ ስለዚህ በህይወታችን ደስተኛ ወይም ሃዘንተኛ የመሆን መንስኤው ትኩረታችን ነው እና ትኩረታችን የት ላይ እንደሆነ በመገምገም ትኩረታችንን ባሉን እና በተደረጉልን ነገሮች ላይ እናድርግ፡፡

በህይወታችን እንዴት ደስተኛ እንሁን?

ከላይ እንደተገለጸው የደስታም ሆነ የሀዘን ህይወት ልምዳችን መሰረቱ ትኩረታችን ነው፡፡ በህይወታችን ባለን እና በተደረገልን ነገር ላይ አብዝተን የምናተኩር ከሆነ ውጤቱ የደስታ ህይወት መኖር ይሆናል፡፡ በአንፃሩ በህይወታችን በሌለን እና በተደረገብን ነገር ላይ አብዝተን የምናተኩር ከሆነ ውጤቱ የሃዘን ህይወት መኖር ይሆናል፡፡ ይህ ማለትም የደስታ ወይም የሀዘን ህይወት መኖራችን ውጤት ሲሆን የትኩረታችን አቅጣጫ ደግሞ መንስኤ ነው፡፡ ስለዚህ ትልቁ ትግላችን ውጤቱ ላይ ሳይሆን መንስኤው ላይ መሆን አለበት፡፡ አሁን ለጊዜው በአብዛኛ ሀዘንተኛ ህይወት እየኖርን መሆኑን በሚገባ ከተረዳን በኋላ ሀዘንተኛነታችን ውጤት ስለሆነ ለጊዜው እንተወዋለን፡፡ እንደመፍትሄም የትኩረታችን አቅጣጫ (መንስኤው) ባለን እና በተደረገልን ነገር ላይ ሆነ ብለን እናደርጋለን፡፡

ይህንን ሃዘንተኛ ህይወታችንን ወደ ደስተኛ ህይወት የመቀየር ሂደቱን ግልጽ እና እውን ለማድረግ ለተከታታይ ሶስት ቀናት የሚሰራ አንድ ቀላል ግን ህይወት ቀያሪ የቤት ስራ እንካችሁ፡፡ ከዛሬ ጀምሮ ለተከታታይ ሶስት ቀናት ቢያንስ ሶስት ያሉንን እና ሶስት የተደረጉልንን ነገሮች እንዘርዝር፡፡ ይህንን የቤት ስራ ባግባቡ ለሰራ ሰው ትኩረቱን ባሉት እና በተደረጉለት ነገሮች ላይ ስለሚያደርግ በህይወቱ የመደሰት ልምምድን ያተርፋል፡፡

ቀን አንድ፡-

ሶስት ያሉኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

ሶስት የተደረጉልኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

ቀን ሁለት፡-

ሶስት ያሉኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

ሶስት የተደረጉልኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

ቀን ሶስት፡-

ሶስት ያሉኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

ሶስት የተደረጉልኝ ነገሮች

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

በሶስተኛው ቀን መጨረሻ የተሰማችሁን ስሜት ፃፉልኝ፡፡

ማሳሰቢያ፡-

ይህንን ስላሉን እና ስለተደረጉልን መልካም ነገሮች የመፃፍ ልምምድ ለናሙና ያህል ለሶስት ተከታታይ ቀን ብቻ አደረኩት እንጅ ይህንን ልምምድ በህይወቱ ሁሌ መፃፍን መርህ ያደረገ ሰው ከሚገምተው በላይ በህይወቱ ደስተኛ እና ስኬታማ ይሆናልና እናስብበት፡፡  

አንዴ ቆም ብለህ አስብ፡-

o ዛሬ አሁንኑ ልትተገብረው የምትችለው ከዚህ ጽሁፍ የተማርከው አንድ … ሁለት … ሶስት … ወዘተ ሃሳብ ምንድን ነው?  

o ስላንድ ነገር ብዙ መረጃ መኖር ዕውቀት ነው፤ መረጃውን በተግባር መጠቀም ደግሞ ጥበብ ነው እና አሁንኑ ወደ ተግባር ግባ!

በጽሁፉ ላይ ተጨማሪ ሃሳብ፣ አስተያየት፣ ጥያቄ ካለ መነጋገር መርሃችን ነው፡፡

ጽሁፉ ይጠቅማል ብለው ካሰቡ ለሌሎች ያጋሩ፡፡